գլխավոր Իրադարձային Երանոս գյուղում տուն է այրվել և մոտ 150 հակ անասնակեր

Երանոս գյուղում տուն է այրվել և մոտ 150 հակ անասնակեր

Գեղարքունիքի մարզային ճգնաժամային կառավարման կենտրոնն ապրիլի 7-ին, ժամը 15:43-ին ահազանգ է ստացել, որ Երանոս գյուղում այրվում է տուն:

Ինչպես տեղեկացնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Պարզվել է, որ հրդեհը բռնկվել է Երանոս գյուղի 2-րդ փողոցի տներից մեկում։

ՀՀ ԱԻՆ-ից հայտնում են, որ հրդեհը մեկուսացվել է ժամը 16:18-ին, մարվել՝ 16:25-ին: Այրվել են հյուրասենյակը (մոտ 40 քմ)՝ գույքով, տանիքի փայտե կառուցատարրերը (մոտ 50 քմ) և տանիքում կուտակած մոտ 150 հակ անասնակեր: