գլխավոր Իրադարձային Արման Թաթոյանը հայկական եկեղեցու պղծման փաստերը կներկայացի միջազգային կառույցներին

Արման Թաթոյանը հայկական եկեղեցու պղծման փաստերը կներկայացի միջազգային կառույցներին

Մատաղիսի Սուրբ Եղիշե Առաքյալ եկեղեցու սրբապղծության դեպքը ՀՀ մարդու իրավունքների պաշտպանը կներկայացնի միջազգային մարմիններին` նշելով, որ սա հերթական ապացույցն է, որ Արցախում հայերի նկատմամբ 2020թ. սեպտեմբեր-նոյեմբեր ամիսներին տեղի է ունեցել էթնիկ զտումների ու ցեղասպանության քաղաքականություն:

«Ակնհայտ է, որ սա թե՛ էթնիկ, թե´ կրոնական հիմքով բացահայտ ատելությամբ կատարված արարք է: Ընդ որում` խոսքը ոչ թե առանձին ինչ-որ դեպքի մասին է, այլ սա Ադրբեջանում տարիների ատելության ու թշնամանքի համակարգված քաղաքականության արդյունքն է, որ շարունակվում է նաև ներկայում»,- Facebook-ում գրել է Թաթոյանը:

Հիշեցնենք՝ համացանցում հայտնվել է ադրբեջանցիների կողմից իրականացվող մշակութային եղեռնի հերթական փաստն ապացուցող հերթական տեսանյութը: Sputnik Արմենիան պարզել էր, որ դա Մատաղիսի հյուսիսարևմտյան հատվածում գտնվող 1892-1898 թվականների Սուրբ Եղիշե Առաքյալ եկեղեցին է:

Աղբյուր՝ Sputnik