գլխավոր Հասարակություն Նիկոլ Փաշինյանն Արմավիրում 4 գյուղ կայցելի. երթուղին խիստ գաղտնի է պահվում․ «Հրապարակ»

Նիկոլ Փաշինյանն Արմավիրում 4 գյուղ կայցելի. երթուղին խիստ գաղտնի է պահվում․ «Հրապարակ»

«Հրապարակ» թերթը գրում է. «Այսօր Նիկոլ Փաշինյանը չհայտարարված քարոզարշավի շրջանակներում մեկնելու է Արմավիրի մարզ։ Այցի երթուղին, ինչպեսեւ նախորդ անգամ, հույժ գաղտնի է պահվում։ Անգամ նրա անվտանգության ծառայությունը նախօրոք չի տեղեկանում, թե ինչ երթուղով են մեկնելու։

Այցի գլխավոր կազմակերպիչ Արմավիրի մարզպետ Համբարձում Մաթեւոսյանը մասնավոր զրույցի ժամանակ ասել էր, թե ցանկացած պահի կարող են չեղարկել այցը։ Նախատեսվում է Արմավիրի մարզի 4 գյուղ այցելել, այդ թվում՝ Նալբանդյան, Ալաշկերտ, որտեղ համայնաքապետը ՊԵԿ նախագահ Էդվարդ Հովհաննիսյանի հայրն է՝ Կարեն Հովհաննիսյանը։

 
Նա ինքն է առաջարկել այցելել իրենց գյուղ՝ խոստանալով ակտիվ մասնակցություն ապահովել։ Լինելու են նաեւ Մյասնիկյան համայնքում՝ Արցախի հերոս Հակոբ Հարությունյանը համաձայնել է հանդիպել վարչապետի հետ։ Էջմիածին կամ Արմավիր չեն այցելի, թերեւս՝ անվտանգության եւ մասնակիցների բավարար քանակ ապահովել չկարողանալու մտավախությունից ելնելով»:

Հոդվածն ամբողջությամբ կարող եք կարդալ «Հրապարակ» թերթի՝ 27․03.21թ. համարում։