գլխավոր Իրադարձային Ջո Բայդենն իր առաջին մեծ մամուլի ասուլիսի ժամանակ ծածկաթղթից է օգտվել

Ջո Բայդենն իր առաջին մեծ մամուլի ասուլիսի ժամանակ ծածկաթղթից է օգտվել

ԱՄՆ նախագահ Ջո Բայդենն իր առաջին մեծ մամուլի ասուլիսի ժամանակ ծածկաթղթից է օգտվել։ Դրանցում եղել են լրագրողների անունները, ինչպես նաև առանցքային թեմաների վերաբերյալ հուշումներ, գրում է New York Post-ը։

Առաջին ծածկաթղթում եղել են մամուլի ասուլիսին ներկա լրագրողների լուսանկարները, իսկ լուսանկարների կողքին՝ համարակալած նշումներ։

Երկրորդ լուսանկարում երևում է, որ ԱՄՆ-ի առաջնորդն իր ձեռքում պահում է «ենթակառուցվածք» անվանումով ծածկաթերթ, որի վրա մի քանի նախադասություններ են գրառված։

«Չինաստանը ենթակառուցվածքների վրա երեք անգամ ավելի շատ է ծախսում, քան ԱՄՆ-ն»,- գրված է ծածկաթերթի վրա։

Մյուս նախադասության համաձայն՝ «Աշխարհում ենթակառուցվածքի որակով Միացյալ Նահանգներն այժմ 13-րդ տեղն է զբաղեցնում, մինչդեռ 2002 թվականին զբաղեցնում էր 5-րդ տեղը»։

Չնայած այն փաստին, որ պատասխանները նրա առջև են եղել, Բայդենը սխալվել է՝ ասելով, որ ենթակառուցվածքի որակով Ամերիկան աշխարհում զբաղեցնում է 85-րդ տեղը, ապա ուղղել է իրեն, գրում է New York Post-ը։

Ինչպես նշում է պարբերականը, 62-րոպեանոց մամուլի ասուլիսի ժամանակ Բայդենը, կարծես, անընդհատ կորցրել է իր մտքերի ընթացքը և մոռացել է հարցերը։

Ամերիկյան ԶԼՄ-ներում ակտիվորեն քննարկվում է Բայդենի՝ նախօրեին կայացած առաջին մամուլի ասուլիսը։ Լրագրողների հատուկ ուշադրությունն այս անգամ գրավել է 78-ամյա Բայդենի արտահայտությունն այն մասին, որ նա «ԱՄՆ Սենատ է եկել 120 տարի առաջ»: Շատերը կարծում են, որ ԱՄՆ-ի առաջնորդը պարզապես կատակել է, մյուսները դա համարել են «հերթական խայտառակությունը»։

Biden used cheat sheet during his first press conference
Biden used cheat sheet during his first press conference
Joe Biden press conference: Photos show cheat sheets