գլխավոր Հասարակություն Շուտով կստեղծվի աշխարհի ամենաարագընթաց եռանիվ էլեկտրամոբիլը

Շուտով կստեղծվի աշխարհի ամենաարագընթաց եռանիվ էլեկտրամոբիլը

Daymak կոչվող կանադական ընկերությունը պնդում է, որ իր երկտեղանի էլեկտրական մեքենան ավելի արագընթաց կլինի, քան գալիք Tesla Roadster-ը կամ աշխարհի ցանկացած այլ էլեկտրական մեքենա: Այս մեքենան ընդամենը 1,8 վայրկյանում 0-ից մինչև 100 կմ/ժ արագություն է զարգացնում: Այս մասին տեղեկացնում է luxurylaunches.com կայքը:

Բայց կա մի բայց. այն ունի ընդամենը երեք անիվ: Կանադական արտադրողն իրականացրել է քրաուդֆանդինգ արշավ՝ Spiritius անունով եռանիվ էլեկտրամոբիլի համար: Ընկերությունը հուսով է, որ մեքենայի համար կստանա 50 000 նախնական պատվեր, ինչը, մեղմ ասած, շատ լավատեսական է:

Daymak Spiritius-ը կունենա երկու տարբերակ. Ultimate մոդելը՝  149 000  դոլար մեկնարկային գնով, որը կլինի Tesla-ին գերազանցող արագությամբ, իսկ Deluxe տարբերակը շատ ավելի մատչելի կլինի` 19 995 դոլար: Մեքենաները մեկ լիցքավորմամբ կանցնեն առավելագույնը 480 կմ:

Daymak-ի հիմնադիր և նախագահ Ալդո Բայոկին ասել է. «Սա շատ հուզիչ է: Daymak-ը երկար ճանապարհ է անցել այն ժամանակվանից, երբ ես սկսեցի աշխատանքը իմ ավտոտնակում 2001 թվականին: Spiritus-ը իրականություն դարձած երազ է»: