գլխավոր Իրադարձային Պայթյուն՝ Իրանում․ կան վիրավորներ և զոհ․ Mehr

Պայթյուն՝ Իրանում․ կան վիրավորներ և զոհ․ Mehr

Իրանի հարավ-արևելքում տեղի ունեցած պայթյունի հետևանքով առնվազն մեկ մարդ է զոհվել, ևս երեքը վիրավորվել են: Այս մասին հաղորդում է Mehr գործակալությունը՝ վկայակոչելով Իսլամական հեղափոխության պահապանների կորպուսի մամուլի ծառայությանը։

Նշվում է, որ Սիստան և Բելուջիստան նահանգի Սարավան շրջանի բնակավայրերից մեկի հրապարակում պայթյունը կազմակերպել է ահաբեկչական խումբը։

Պայթյունը տեղի է ունեցել տեղական ժամանակով ժամը 09:30-ին: Բնակավայրի և ահաբեկչական խմբավորման անունները չեն նշվում։

Սիստան և Բելուջիստան նահանգը սահմանակից է Պակիստանին և Աֆղանստանին, և արտասահմանից թմրանյութերի շրջանառության մեծ մասը, ինչպես նաև վառելիքի և այլ ապրանքների մաքսանենգության զգալի մասը հայտնաբերվում է այդ շրջաններում: Բացի այդ, այդ նահանգում գործում են մի շարք անջատողական և իսլամիստական խմբավորումներ։