գլխավոր Իրադարձային Միքայել Մելքումյանը հորդորում է չլքել Հայաստանը

Միքայել Մելքումյանը հորդորում է չլքել Հայաստանը

«Այս իշխանությունը կազմակերպեց ցավալի հայրենազրկումը, և այդ գործընթացը շարունակում է»,- Նիկոլ Փաշինյանի հրաժարականի պահանջով մեկնարկած քայլերթում հայտարարեց «Բարգավաճ Հայաստան» խմբակցության պատգամավոր Միքայել Մելքումյանը:

«Մենք ունենք տնտեսական, սոցիալական ճգնաժամ, այսօր մենք չգիտենք, թե Հայաստանի տարածքը որքա՞ն է. 29 800 քկմ-ից այսօր ինչքա՞նն ենք արդեն տվել այդ GPS կոչվածով»,- նշում է նա:


Նա շեշտեց, որ որևէ ռեպրեսիա, կալանավորում, ձերբակալություն չի կարող երերացնել Հայրենիքի փրկության շաժմանը:

Միքայել Մելքումյանի համոզմամբ՝ շարժումը պետք է շարունակի ցանցային բնույթը. «Մարզերում, գյուղերում, բոլոր քաղաքներում, բնակավայրերում ժողովուրդը պետք է մեջքն ուղղի, որովհետև դուք տեսնում եք՝ ինչ է կատարվում օդանավակայանում. մարդիկ արտագաղթում են զանգվածաբար»:

Պատգամավորը դիմեց ժողովրդին՝ հորդորելով չլքել Հայաստանը.

«Ձեզ հետ միասին մենք պետք է վերջին հարվածը հասցնենք, և մենք անպայման ունենալու ենք լավ ապագա, որևէ մեկը մեր ազգային արժանապատվությունը չի կարող կոտրել»