գլխավոր Իրադարձային TikTok-ում նոր խոցելի կողմեր են հայտնաբերվել

TikTok-ում նոր խոցելի կողմեր են հայտնաբերվել

Ինտերնետային տեխնոլոգիաների ոլորտում գործող Check Point Software Technologies ընկերության փորձագետները խոցելիություն են հայտնաբերել TikTok սոցցանցի «Գտնել ընկերներ» գործառույթում:

Ինչպես փոխանցում է РИА Новости-ն՝ մեջբերելով ընկերության հաղորդագրությունը, եթե տվյալ խոցելիությունը չկարգավորվի, չարագործները հնարավորություն կունենան հասանելիություն ստանալ օգտատերերի տվյալներին, այդ թվում՝ նրանց հեռախոսահամարներին, լուսանկարներին, ինչպես նաև որոշ կարգավորումների, ինչպես օրինակ՝ էջը թաքցնելու և բաժանորդագրումները կառավարելու:

Փորձագետներն արդեն երկու անգամ խոցելիություններ են հայտնաբերել սոցցանցում: Առաջին անգամ նրանք հայտնել են, որ չարագործները կարող էին հասանելիություն ստանալ էջերում պահպանվող անձնական տեղեկություններին կամ գործել օգտատիրոջ անունից՝ առանց նրա համաձայնության:

TikTok-ի տվյալներով՝ սոցցանցի օգտատերերի թիվն ամեն ամիս ավելանում է 100 մլն-ով, իսկ ներբեռնումների որակը գերազանցել է 2 մլրդ-ը: