գլխավոր Իրադարձային Միքայել Մինասյանի ու Ռուբեն Վարդանյանի զարմանալի արդյունքը. ի՞նչ սպասել․ Pastinfo

Միքայել Մինասյանի ու Ռուբեն Վարդանյանի զարմանալի արդյունքը. ի՞նչ սպասել․ Pastinfo

Երեկ ռուսալեզու Telegram ալիքները հարցում իրականացրեցին՝ պարզելու, թե ում են տեսնում Հայաստանի քաղաքացիները երկրի առաջնորդի կարգավիճակում: Այս մասին գրում է Pastinfo-ն։

Հարցման արդյունքները բավանին ուշագրավ էին, որոշ իմաստով՝ նաև անսպասելի:

Հարցմանը մասնակցած շուրջ 46.000 օգտատերերի 46 տոկոսը քվեարկել էր ՀՀ երկրորդ նախագահ Ռոբերտ Քոչարյանի, 19 տոկոսը՝ Նիկոլ Փաշինյանի օգտին: Բայց ինչպես պարզ դարձավ հրապարակված փաստերից՝ Փաշինյանի օգտին քվեարկելու ֆլեշմոբ էին իրականացրել ադրբեջանական ալիքները՝ կոչ անելով օգտատերերին սատարել ՀՀ վարչապետին:

Իսկ անսպասելին այդ քվեարկության մեջ այն էր, որ հարցվածների 14 տոկոսը ՀՀ ղեկավարի պաշտոնում տեսնում է Սուրբ Աթոռում ՀՀ նախկին դեսպան Միքայել Մինասյանին, իսկ 12 տոկոսը՝ ռուսաստանաբնակ գործարար, «Ավրորա» մարդասիրական նախաձեռնության համահիմնադիր Ռուբեն Վարդանյանին:

Մնացած գործիչները ստացել էին 3 տոկոսից էլ պակաս ձայներ:

Այս հարցման անակնկալը հենց Մինասյանի ու Վարդանյանի ստացած ձայներն էին, որոնք աճում էին գրեթե զուգահեռ՝ կարծես փոխլրացնելով իրար: Տպավորություն է սեղծվում, որ նրանց ռեսուրսների, բիզնես կապերի ու գիտելիքների մեկտեղումը կարող է փրկել Հայաստանն այս աղետից և նրանց կհաջողվի, համախմբելով առողջ ուժերին, կանգնեցնել հայրենիքի գահավիժումը:

Սա դեռևս տեսական հարցադրում է, իսկ թե որքանով է կենսունակ, ցույց կտա ժամանակը: