գլխավոր Հասարակություն Հայաստանի բնակչությունը մեկ տարում նվազել է 5 600–ով

Հայաստանի բնակչությունը մեկ տարում նվազել է 5 600–ով

Sputnik Armenia-ն գրում է․

Հայաստանի մշտական բնակչությունը 2020թ. հունվարի 1-ի դրությամբ 2019թ. տարեսկզբի համեմատ նվազել է 5 600-ով կամ 0.2%-ով և կազմել 2 959 700 մարդ: Հայտնում են ՀՀ վիճակագրական կոմիտեից՝ մեկնաբանելով, որ արձանագրված տվյալները հաշվարկվում են բնակչության բնական հավելաճի և միգրացիայի մնացորդի տվյալներով:

Ընդ որում, բնակչության 63.9%-ը բնակվում է քաղաքներում, 36.1%-ը՝ գյուղական բնակավայրերում: Բնակչության 47.2%-ը տղամարդիկ են, 52.8%-ը` կանայք: Բնակչության միջին տարիքը կազմում է 36.9 տարեկան, տղամարդկանց միջին տարիքը՝ 34.8, կանանցը՝ 38.8:

Հայաստանում յուրաքանչյուր 1 000 աշխատող քաղաքացի «պահում է» 230 տարեց մարդու և 336 0-15 տարեկան երեխայի:

Ծնունդները մեր երկրում առանձնապես շատ չեն: Միջին հաշվով յուրաքանչյուր կին լույս աշխարհ է բերում 1.5 երեխա, ինչը ըստ վիճակագիրների զգալիորեն ցածր է Բնակչության նորմալ վերարտադրության համար անհրաժեշտ է, որ այդ ցուցանիշը հասնի առնվազն 2.1-ի:

Այդուհանդերձ, ծնելիության ցուցանիշն 2020 թ-ի տվյալներով փոքր ինչ ավելացել է. եթե 2019թ.-ին հայաստանյան ընտանիքներում 3-րդ և 4-րդ երեխաները ընդհանուր ծնվածների 25.0%-ն էին կազմում, ապա 2020թ-ին՝ 27.4%-ը:

2019թ.-ի համեմատ 2020-ին ավելացել են նաև մահվան դեպքերը՝ 1.7%-ով: Մահվան պատճառներում ավելացել են արյան շրջանառության համակարգի հիվանդությունները, չարորակ նորագոյացությունները, որոնք կազմում են արձանագրված դեպքերի շուրջ երեք քառորդը: Նախորդ տարվա համեմատ ավելացել են նաև շնչառական օրգանների, չարորակ նորագոյացությունների, արտաքին պատճառների, մարսողական օրգանների հիվանդություններով պայմանավորված մահվան դեպքերը:

Քաղաքներում տղամարդկանց մահվան միջին տարքը կազմել է 73.2 կանանցը՝ 79.7 տարի, գյուղերում՝ համապատասխանաբար` 72.7 և 79.1 տարի:
ՀՀ բնակչության 90%-ը տարվա ընթացքում մեկնել է Ռուսաստան: Նրանց 68%-ը մեկնել են կարճ ժամանակով՝ մինչև 3 ամիս, 32%-ը երկարաժամկետ՝ 1 և ավելի տարի: