գլխավոր Իրադարձային Բելինսկու փողոցում բախվել են «Nissan Tiida» և «Nissan Sunny» ավտոմեքենաները․ կան տուժածներ

Բելինսկու փողոցում բախվել են «Nissan Tiida» և «Nissan Sunny» ավտոմեքենաները․ կան տուժածներ

Դեկտեմբերի 3-ին, ժամը 22։52-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Բելինսկու փողոցում տեղի է ունեցել ՃՏՊ, բախվել են ավտոմեքենաներ. կան տուժածներ։ Այս մասին հայտնում են ԱԻՆ-ից։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «Nissan Tiida» (վարորդ` Շուշան Ս., ծնված 1993 թ․) և «Nissan Sunny» (վարորդ՝ Դավիթ Բ․, ծնված 1989 թ․) մակնիշների ավտոմեքենաները։

«Nissan Tiida» մակնիշի ավտոմեքենայի վարորդը և «Nissan Sunny» մակնիշի ավտոմեքենայի ուղևոր Նորայր Ս․-ն (ծնված 1982 թ․) հոսպիտալացվել են «Էրեբունի» ԲԿ։

Փրկարարները հոսանքազրկել են ավտոմեքենաները և փակել գազի բալոնների փականները։