գլխավոր Գլխավոր 2020-ին Ադրբեջանը Թուրքիայից ներմուծել է 256 միլիոն դոլար արժողությամբ զինամթերք

2020-ին Ադրբեջանը Թուրքիայից ներմուծել է 256 միլիոն դոլար արժողությամբ զինամթերք

Ադրբեջանը 2020թ․ հունվարից նոյեմբեր ընկած ժամանակահատվածում Թուրքիայից ներմուծել է 256 միլիոն դոլար արժողությամբ զենք և ռազմական տեխնիկա։Ինչպես հաղորդում է «Արմենպրես»-ը՝ վկայակոչելով թուրքական Yeni Şafak լրատվական գործակալությունը, վերջին 11 ամիսների ընթացքում Թուրքիայից զենքի արտահանումը դեպի Ադրբեջան աճել է 600 տոկոսով։

Ադրբեջանը Թուրքիայից ներմուծած զինամթերքն ու ռազմական տեխնիկան ակտիվորեն օգտագործել է Լեռնային Ղարաբաղի պատերազմի ընթացքում:Ըստ Yeni Şafak-ի ՝ Ադրբեջանի կողմից ակտիվորեն օգտագործվող թուրքական պաշտպանական արդյունաբերության արտադրանքը գրավել է աշխարհի ուշադրությունը:

Բազմաթիվ երկրներ Լեռնային Ղարաբաղի պատերազմից հետո դիմել են Թուրքիային` տեղական և ազգային ռեսուրսներով արտադրված ապրանքները գնելու նպատակով: