Նոր Զելանդիայի աշխատանքի պաշտպանության պետական ծառայությունը 13 մեղադրանք է առաջադրել ֆիզիկական և իրավաբանական անձանց դեմ՝ 2019 թվականի դեկտեմբերի 9-ին ց հրաբխի ժայթքման ժամանակ զբոսաշրջիկների անվտանգությունը չապահովելու համար: Այս մասին հայտնել է The New Zealand Herald պարբերականը։
Պարբերականի տվյալներով՝ Նոր Զելանդիայի աշխատանքի պաշտպանության և անվտանգության կանոնների պահպանման բնագավառում պետական համակարգողը (WorkSafe) մեղադրանքներ է առաջադրել տասը կազմակերպությունների դեմ՝ «աշխատանքի պաշտպանության և անվտանգության ազգային օրենսդրությունը» խախտելու համար, ինչի հետևանքով զոհվել է 22 զբոսաշրջիկ․ նշվում է, որ մեղավորներին սպառնում է տուգանք, որի առավելագույն չափը կազմում է 1,1 մլն դոլար։
Բացի այդ, ծառայողական պարտականությունների նկատմամբ անփույթ վերաբերմունքի համար գերատեսչությունը մեղադրանքներ է առաջադրել ձեռնարկությունների երեք ղեկավարներին, որոնք պարտավոր էին ապահովել զբոսաշրջիկների անվտանգությունը: Մեղադրանքներից յուրաքանչյուրի հաստատման դեպքում նրան կպարտավորվեն վճարել 211,5 հազար դոլարի չափով տուգանք։
Նշվում է, որ այս գործով լսումները տեղի կունենան դեկտեմբերի 15-ին։
Նոր Զելանդիայի Փլենթիի ծովածոցում գտնվող Ուայթ Այլենդ կղզում գտնվող հրաբխի ժայթքումը տեղի է ունեցել 2019-ի դեկտեմբերի 9-ին: Դեպքի պահին շրջակայքում և կղզում գտնվել է 47 մարդ։ Ժայթքման հետևանքով մահցել է 22 մարդ։
Tert.am
