գլխավոր Քաղաքականություն Իշխանությունների հերքումները, թե ադրբեջանցի զինվորականները չեն մտել Սոտքի հանք, սուտ են․ Կարեն...

Իշխանությունների հերքումները, թե ադրբեջանցի զինվորականները չեն մտել Սոտքի հանք, սուտ են․ Կարեն Վրթանեսյան

Կարեն Վրթանեսյանն իր ֆեյսբուքյան էջում գրառում է կատարել, որում ասվում է․

Իշխանությունների հերքումները, թե ադրբեջանցի զինվորականները չեն մտել Սոտքի հանք լկտի սուտ են։ Տեսանյութերից մեկը գեոլոկացրինք, փաստորեն՝ հանքի տարածքից է նկարահանած ադրբեջանցիների շարասյունը, որը շարժվում է դեպի մեր տարածք։

Ավելին Սոտքի համայնքապետն էլ է հաստատում, որ ադրբեջանցիները հիմա հանքի տարածքում են։ Վարդենիսի քաղաքապետն էլ՝ կմկմալով, բայց էլի չի հերքում…Այսպիսով, Նիկոլը հանձնել է նաև Սոտքի ոսկու հանքը, բայց «մոռացել է այդ մասին զգուշացնել»։ Երեկ էի գրել, որ պարտությունը դեռ չի ավարտվել։ Նիկոլն ուներ 17 օր հանքը պաշտպանելու, դիրքեր դնելու համար։ Դրա փոխարեն զբաղված էր ընդդիմադիրներին բռնել-բաց թողնելով ու խուժանին զինելով, «կռվող տղերքի» բեմադրած վիդեոներ նկարահանելով։ Բայց դուք շարունակեք պնդել, որ Նիկոլը պիտի մնա ու երկիր ղեկավարի։
Հ.Գ. Բոլոր լինկերը՝ մեկնաբանություններում։

Նշենք, որ httpRAzm.info-ն ավելի վաղ հրապարկում էր արել՝ գրելով․

Ադրբեջանցիները Սոտքի ոսկու հանքի տարածքում են։ Վարչապետի խոսնակ Մանե Գևորգյանը «Ա1+»-ի հետ զրույցում հայտնել էր, որ Ադրբեջանցի զինվորականների՝ Սոթքի հանք մտնելու լուրը իրականությանը չի համապատասխանում: Չնայած այս պնդմանը, կարող ենք հաստատել, որ պատգամավոր Շաքե Իսայանի տարածած այս տեսանյութն իրոք նկարահանվել է Սոթքի հանքի տարածքից, տեսանյությում երևացող ճանապարհը Սոթք-Քարվաճառ ավտոճանապարհի այս (40.225875516675835, 45.99280744881284) հատվածն է:

Քարտեզի հղում՝ https://www.google.com/…/@40.2269243,45…/data=!3m1!1e3
Նշենք, որ պատգամավորը տեսանյութը ուղեկցել է նաև «Քարվաճառի դարպասները ադրբեջանցիները դեն են նետել և առաջ շարժվել» գրությամբ, բայց տեսանյութում երևացող հատվածը դարպասներից ճանապարհով շուրջ 3 կմ հեռու է, թեև երևացող շարասյունը շարժվում է հենց այդ ուղղությամբ: