գլխավոր Իրադարձային Պատերազմի հետևանքով տուժած բնակավայրերը արագ կվերակառուցվեն․ ԱԻՊԾ

Պատերազմի հետևանքով տուժած բնակավայրերը արագ կվերակառուցվեն․ ԱԻՊԾ

Պատերազմից հետո ստեղծված հումանիտար աղետը հաղթահարելու գործում՝ Ռուսաստանն Արցախի կողքին է: Գրում է ԱՀ Արտակարգ իրավիճակների պետական ծառայության ֆեյսբուքյան էջը։

«Ռուսաստանի Դաշնության արտակարգ իրավիճակների, քաղաքացիական պաշտպանության և աղետների հետևանքների վերացման նախարարությունը Ստեփանակերտ է ուղարկել մարդասիրական օգնության 2-րդ խմբաքանակը՝ շուրջ 22 բեռնատար ավտոմեքենաներով:

Շինանյութի տեսքով ստացված օգնությունն Արցախի ԱԻ պետական ծառայության վարչական տարածքում դիմավորել են ծառայության տնօրեն գեներալ-մայոր Կարեն Սարգսյանը, ՌԴ ԱԻՆ փրկարարական կազմավորումների դեպարտամենտի տնօրեն գեներալ-լեյտենանտ Իգոր Կուտրովսկին և քաղաքաշինության նախարար Արամ Սարգսյանը:

Բոլոր այն բնակավայրերը որոնք տուժել են պատերազմի հետևանքով, արագ կվերակառուցվեն: Այդ ուղղությամբ Արցախի շինարարներն արդեն որոշակի աշխատանք են իրականացրել:

ՏԵՂԵԿԱՆՔ

Ռուս փրկարարների 30 հոգանոց օպերատիվ խումբն Արցախ է ժամանել նոյեմբերի 16-ին՝ բնակչությանն օգնելու նպատակով: Խմբում ընդգրկված են ԱԻՆ կենտրոնական ապարատի ներկայացուցիչներ, փրկարարներ, սակրավորներ, կապի ոլորտի մասնագետներ: Փրկարարներն ունեն անհրաժեշտ տեխնիկա և դաշտային ճամբար: Ռուսաստանը պատրաստ է փրկարարների թիվը հասցնել 150-ի և տրամադրել նաև օդանավ-հիվանդանոց»,- ասված է հաղորդագրության մեջ: