գլխավոր COVID-19 Բիլ Գեյթսը նոր համավարակ է կանխատեսել

Բիլ Գեյթսը նոր համավարակ է կանխատեսել

Ամերիկյան Microsoft ընկերության հիմնադիր, հայտնի գործարար Բիլ Գեյթսը նոր համավարակ է կանխատեսել:

Ինչպես փոխանցում է «ՌԻԱ Նովոստի»-ն, միլիարդատերն իր պորտալում դերասանուհի Ռաշիդա Ջոնսի և ԱՄՆ գլխավոր ինֆեկցիոնիստ Էնթոնի Ֆաուչիի հետ քննարկել է կորոնավիրուսի համավարակն ու դրա արդյունքում ի հայտ եկող փոփոխությունները:

Զրույցի ընթացքում Ջոնսը հարցրել է գործարարին, թե արդյոք մարդկությանը նոր համավարակ է սպասվում:

«Այո՛: Եվ մեր բախտը կբերի, եթե դա տեղի ունենա 20 տարի անց»,- ասել է գործարարը՝ հավելելով, որ կա տարբերակ, որի դեպքում դա կարող է լինել շատ ավելի շուտ:

Այնուամենայնիվ, ինչպես ընդգծել է Գեյթսը, հաջորդ անգամ մարդկությունն «առավել պատրաստված» կլինի համավարակին: Նրա խոսքով՝ այդ ժամանակ մշակված կանոններ կլինեն, որոնց համաձայն կվարվի կարանտինը, ինչպես նաև կբարելավվի թեստավորման համակարգը:

«Երկրորդ անգամ մենք այդքան հիմար չենք լինի»,- եզրափակել է գործարարը: