գլխավոր Քաղաքականություն ԻՀՊԿ. Իր կենսական շահերին որեւէ սպառնալիքին Իրանի պատասխանը չի սահմանափակվի կոնկրետ տարածաշրջանով

ԻՀՊԿ. Իր կենսական շահերին որեւէ սպառնալիքին Իրանի պատասխանը չի սահմանափակվի կոնկրետ տարածաշրջանով

Իրանի կողմից իր կենսական շահերին սպառնացող ցանկացած սպառնալիքի պատասխանը չի սահմանափակվի որոշակի տարածաշրջանով: Այս մասին հայտարարել է Իսլամական հեղափոխության պահապանների կորպուսի (ԻՀՊԿ) հրամանատար, գեներալ-մայոր Հոսեյն Սալամին, փոխանցում է Tasnim-ը:

Նրա խոսքով` ԻՀՊԿ-ն չի սահմանափակելու իր գործունեությունը կոնկրետ աշխարհագրական տարածաշրջանով, երբ խոսքն Իրանի անվտանգության եւ կենսական շահերի պաշտպանության մասին է: «Եթե ինչ-որ մեկը փորձի վտանգի ենթարկել այս հզոր ազգի եւ երկրի շահերը, այն հաստատ անվտանգ տեղ չի գտնի Երկրի վրա»,- նախազգուշացրել է հրամանատարը:Նա մանրամասն ներկայացրեց ԻՀՊԿ պաշտպանական ռազմավարությունը, որը զուգորդվում է հարձակողական մարտավարության հետ` նախազգուշացնելով թշնամիներին, որ ցանկացած սպառնալիք կամ ագրեսիայի գործողություն ԻՀՊԿ-ն լիարժեք հարձակվողական ուժի կվերածի: