գլխավոր Քաղաքականություն Թշնամին խաղաղ բնակավայրերի վրա կիրառում է կասետային հրթիռներ

Թշնամին խաղաղ բնակավայրերի վրա կիրառում է կասետային հրթիռներ

Հայկական միասնական տեղեկատվական կենտրոնը ֆեյսբուքյան էջում նոր գրառում է կատարել, որում ասվում է․

«Խաղաղ բնակչության նկատմամբ Ադրբեջանը շարունակում է պատերազմական հանցագործությունները։

Օրվա ընթացքում կասետային հրթիռներ են արձակվել Ստեփանակերտի ուղղությամբ, ավերել ու նյութական մեծ վնաս պատճառել բնակիչներին։Հրթիռներն ընկել են բնակելի տների վրա ու շենքերին հարող տարածքներում, վնասել տանիքները, պատշգամբներն ու ջարդել լուսամուտները։

Բարեբախտաբար` քաղաքացիական բնակչության շրջանում տուժածներ չկան։
Ադրբեջանական ուժերի հաջորդ թիրախը Շուշին է։
Ադրբեջանաթուրքական հանցավոր ագրեսիայի հետևանքով Արցախի մշակույթի մայրաքաղաքում ևս ավերածություններն ու վնասների չափն անհաշիվ են»։