գլխավոր Աշխարհ Ճապոնիան, Մեծ Բրիտանիան և Իտալիան համատեղ ռեակտիվ կործանիչներ կստեղծեն

Ճապոնիան, Մեծ Բրիտանիան և Իտալիան համատեղ ռեակտիվ կործանիչներ կստեղծեն

Ճապոնիան, Մեծ Բրիտանիան և Իտալիան միավորում են իրենց հաջորդ սերնդի ռեակտիվ կործանիչների նախագծերը Եվրոպան և Ասիան ընդգրկող նորարարական գործընկերության մեջ: Սա Երկրորդ համաշխարհային պատերազմից հետո Ճապոնիայի առաջին խոշոր արդյունաբերական պաշտպանական համագործակցությունն է Միացյալ Նահանգների շրջանակից դուրս:

Գործարքը, որի մասին հուլիսին հայտնել էր Reuters-ը, նպատակ ունի կործանիչը շահագործման հանձնել մինչև 2035 թվականը՝ համատեղելով Մեծ Բրիտանիայի գլխավորած Future Combat Air System նախագիծը, որը նաև հայտնի է որպես Tempest, ճապոնական F-X ծրագրի հետ՝ Global Combat Air Programme (GCAP) կոչվող նախագծի միջոցով, ասվում է երեք երկրների հայտարարության մեջ:

Ըստ փորձագետների՝ Ուկրաինայում ընթացող ռազմական գործողությունների և Ճապոնիայի ու Թայվանի շուրջ Չինաստանի ռազմական ակտիվության ֆոնին համաձայնագիրը կարող է օգնել Ճապոնիային դիմակայել իր մեծ հարևանի աճող ռազմական հզորությանը և Բրիտանիային ավելի մեծ դեր տրամադրել՝ ապահովելու անվտանգությունը տարածաշրջանում, որը համարվում է համաշխարհային տնտեսական աճի հիմնական շարժիչ ուժը: