գլխավոր Facebook Այսօր հերոս Նորայր Վարդանյանի քույրն ու եղբայրը մկրտվեցին. ի վերջո, ներկաների անձայն...

Այսօր հերոս Նորայր Վարդանյանի քույրն ու եղբայրը մկրտվեցին. ի վերջո, ներկաների անձայն հեկեկոցները խլացան զուռնա-դհոլի հնչյունների տակ. Աննա Հակոբյան (լուսանկարներ)

Վարչապետի տիկին Աննա Հակոբյանը մասնակցել է 44-օրյա պատերազմում անմահացած, ժամկետային զինծառայող Նորայր Վարդանյանի քրոջ ու եղբոր մկրտության արարողությանը։ Այս մասին Հակոբյանը գրել է ֆեյսբուքյան էջում և լուսանկարներ հրապարակել․

«Փոքրիկները Դավիթն ու Տաթեւն են, 44-օրյա պատերազմում անմահացած, ժամկետային զինծառայող Նորայր Վարդանյանի քույրիկն ու եղբայրը։ Նրանք 41 օրական են եւ այսօր մկրտվեցին։ Հարազատները նրանց ծնունդն ու մկրտությունը նշեցին խնջույքով, որին մասնակցելու պատիվ ունեցա։

Երեխաները, որոնց լույս աշխարհ են բերում անմահների մայրերը, կարծես հենց նրանց կողմից ուղարկվեն մեզ… Այս երեկո ներկաների զուսպ արցունքներն ու անձայն հեկեկոցները ի վերջո խլացան զուռնա դհոլի հնչյունների տակ»,-գրել է Աննա Հակոբյանը։