գլխավոր Ժամանց Հայտնի է, թե որ համարի ներքո ելույթ կունենա Հայաստանը 

Հայտնի է, թե որ համարի ներքո ելույթ կունենա Հայաստանը 

«Մանկական Եվրատեսիլ 2022» միջազգային երգի մրցույթին Հայաստանը ներկայացնող Նարե Ղազարյանն իր «Dance» երգով հանդես կգա 15 համարի ներքո։ Վիճակահանությունը տեղի է ունեցել քիչ առաջ` Հայաստանի Ազգային պատկերասրահում։ Նշենք, որ այս տարի Հայաստանում մեկ հարկի տակ են համախմբվելու 16 երկրի ներկայացուցիչ։ Մրցույթն անցկացվելու է դեկտեմբերի 11-ին։Առաջին համարի ներքո ելույթ կունենա Նիդեռլանդների ներկայացուցիչը, մրցույթը կեզրափակի Ուկրաինան։

Շոուները տեղի են ունենալու Կարեն Դեմիրճյանի անվան մարզահամերգային համալիրում։ Այս տարի երգի մրցույթն իր 20-րդ պտույտն է կատարում արևի շուրջը, այդ պատճառով ընտրվել է «Պտտի՛ր հրաշքը» կարգախոսը, իսկ խորհրդանիշը միջազգայնորեն ճանաչված խաղալիքն է` հոլը, որի այս տեսակը հատուկ է հայկական մշակույթին և զարդարված է ազգային նախշերով։ 

Հիշեցնենք, որ Հայաստանը ներկայացնող 14-ամյա Մալենան հաղթել էր «Մանկական Եվրատեսիլ 2021»–ում։ Մրցույթն ընթացել էր Ֆրանսիայի մայրաքաղաք Փարիզում։ Մալենան կատարել էր «Քամի–քամի» երգը։