գլխավոր COVID-19 Մեկ շաբաթում ՀՀ–ում կորոնավիրուսի 91 դեպք է գրանցվել. վարակի զոհ է դարձել...

Մեկ շաբաթում ՀՀ–ում կորոնավիրուսի 91 դեպք է գրանցվել. վարակի զոհ է դարձել 2 մարդ

Նոյեմբերի 28-ից դեկտեմբերի 4-ն ընկած ժամանակահատվածում Հայաստանում կորոնավիրուսով վարակվելու 91 դեպք է գրանցվել, առողջացել է 113 մարդ։ Տեղեկությունը հայտնում է ՀՀ առողջապահության նախարարությունը։

Ըստ գերատեսչության՝ նախորդ շաբաթ կորոնովիրուսի հետևանքով 2 մարդ է մահացել (մահացածների ընդհանուր թիվը 8 712 է)։ Այս պահին COVID-ի դեմ բուժում է ստանում 283 անձ։

Առողջապահության նախարարությունը տեղեկացնում է նաև, որ Հայաստանում կորոնավիրուսի դեմ ամբողջապես պատվաստված է 1 030 292 քաղաքացի։ Առաջին դեղաչափով պատվաստվել է 1 155 126 անձ, իսկ ընդհանուր պատվաստումների թիվը 2 275 346 է։

Բուստեր դեղաչափով պատվաստումների քանակը 83 842 է։