գլխավոր Իրադարձային Ավինյանը հանդիպել է Էրեբունի վարչական շրջանի բնակիչների հետ

Ավինյանը հանդիպել է Էրեբունի վարչական շրջանի բնակիչների հետ

Երևանի փոխքաղաքապետ Տիգրան Ավինյանն այսօր հանդիպել է Էրեբունի վարչական շրջանի բնակիչների հետ, ֆեյսբուքյան իր էջում գրել է Ավինյանը:

«Էրեբունցիների առօրյա խնդիրները գրեթե չեն տարբերվում մյուս վարչական շրջանների բնակիչների խնդիրներից:

Խաղաղ Դոնի 23 շենքի բնակիչների առաջնային հարցը չոր նկուղներ ունենալն է: Գարնանն արդեն կսկսվեն կոյուղու խողովակաշարերի նորոգման և փոխարինման աշխատանքները:

Համար 71 մանկապարտեզը հիմնովին վերանորոգվում է, և արդեն տարեսկզբին պատրաստ կլինի ընդունել մեր երեխաներին: Իսկ համար 72 մանկապարտեզի վերանորոգումը կմեկնարկի հաջորդ տարի:

Էրեբունի այցելելով՝ չէինք կարող չբարձրանալ Սարի Թաղ: Այստեղ ամենաշատը հնչեց տրանսպորտի հարցը, ինչը համընդհանուր խնդիր է ամբողջ Երևանում: Նոր ավտոբուսների ներմուծումը կթեթևացնի մայրաքաղաքի տրանսպորտային համակարգի ծանրաբեռնվածությունը»,-գրել է նա: