գլխավոր Աշխարհ Կիևը դեմ չէ Մոսկվայի հետ բանակցություններին. Կուլեբա

Կիևը դեմ չէ Մոսկվայի հետ բանակցություններին. Կուլեբա

Ուկրաինայի արտաքին գործերի նախարար Դմիտրի Կուլեբան հայտարարել է, որ Կիևը դեմ չէ Ռուսաստանի Դաշնության հետ բանակցություններին։

«Ուկրաինան դեմ չէ բանակցություններին: Վլադիմիր Զելենսկին G20-ի գագաթնաժողովում խոսել է «համաշխարհային խաղաղության» մասին և  դրան հասնելու կամք դրսևորելու մասին հայտնել», – ասել է նախարարը՝ պատասխանելով ֆրանսիական Parisien թերթի այն հարցին, թե արդյոք Ռուսաստանի հետ բանակցությունները Կիևի և Փարիզի հեռախոսազրույցների թեման է։

Միաժամանակ, Կուլեբան հավելել է, որ դա տեղի ունենալու համար Ռուսաստանը «պետք է դադարեցնի բանակցությունները ու վերջնագիրը շփոթելը»։ Նա նաև ընդգծել է, որ ո՛չ Մակրոնը, ո՛չ մյուս առաջնորդները «Ուկրաինային չեն մղում բանակցությունների՝ իրենց շահերից ելնելով»։ Կուլեբայի խոսքով՝ «արդար խաղաղությունը սկսվում է Ուկրաինայի տարածքային ամբողջականության վերականգնմամբ»։

Ավելի վաղ Զելենսկին G20-ի գագաթնաժողովում առցանց ելույթի ժամանակ հայտարարել էր Ուկրաինայում խաղաղության վերականգնմանն ուղղված քայլերի իր տեսլականի մասին, որը բաղկացած է 10 կետից։