գլխավոր Պատահարներ Արարատի մարզում ավտոմեքենան գլխիվայր շրջվել է. մեկ մարդ մահացել է, մեկը՝ վիրավորել. Shamshyan.com

Արարատի մարզում ավտոմեքենան գլխիվայր շրջվել է. մեկ մարդ մահացել է, մեկը՝ վիրավորել. Shamshyan.com

Արարատի մարզում խոշոր ավտովթար է տեղի ունեցել, որի հետևանքով կա մեկ զոհ։ Տեղեկությունը հայտնում է shamshyan.com-ը։

Մասնավորապես, ժամը 20։00-ի սահմաններում Երևան-Երասխ ավտոճանապարհի 40 կմ հատվածում Opel Zafira մակնիշի ավտոմեքենան դեպի Երևան ընթանալիս բախվել է ճանապարհի բաժանարար գոտու երկաթբետոնե արգելապատնեշներին, ապա դուրս եկել հանդիպակաց երթևեկելի գոտի և գլխիվայր շրջվելով հայտնվել Վեդիի կամրջի տակ։

«Վթարի հետևանքով 1 հոգի մահացել է, 1 հոգի ծայրահեղ ծանր ախտորոշմամբ տեղափոխվել է հիվանդանոց»,–գրում է կայքը։

Դեպքի վայր ժամանած հրշեջ-փրկարարները հոսանքազրկել են ավտոմեքենան, փակել գազաբալոնը, ուղղել ավտոմեքենան և կատարել ճանապարհի լվացման աշխատանքներ։

Փաստի առթիվ նախաձեռնվել է քրեական վարույթ։

Քննիչի հանձնարարականով ավտոմեքենան տեղափոխվել է ոստիկանության Արարատի բաժնի պահպանվող հատուկ տարածք։

Ոստիկանությունն ու քննչական վարչությունը պարզում են մահացածի և վիրավորի ինքնությունը։