գլխավոր Իրադարձային ԱՄՆ-ը համոզում է Ադրբեջանին՝ Հայաստանի հետ հրադադար հաստատել. Ռոբերտ Օ’Բրայեն

ԱՄՆ-ը համոզում է Ադրբեջանին՝ Հայաստանի հետ հրադադար հաստատել. Ռոբերտ Օ’Բրայեն

ԱՄՆ-ը համոզում է Ադրբեջանի իշխանություններին՝ Հայաստանի հետ հրադադարի ռեժիմ հաստատել, որն արդեն ընդունել է այդ առաջարկը, հայտարարել է ԱՄՆ նախագահի՝ ազգային անվտանգության հարցերով օգնական Ռոբերտ Օ’Բրայենը CBS-ին տված հարցազրույցում։

«Շաբաթվա վերջին օրերին մենք զբաղված ենք նրանով, որ Հայաստանի ու Ադրբեջանի միջեւ խաղաղության մասին պայմանավորվենք։ Հայաստանն ընդունել է կրակի դադարեցման առաջարկը, Ադրբեջանը՝ դեռ ոչ։ Մենք դրդում ենք նրանց (Ադրբեջանի իշխանություններին) դրան (հրադադարի հաստատման ռեժիմն ընդունել)»,-նշել է Օ’Բրայենը։

Հիշեցնենք, որ հոկտեմբերի 23-ին Վաշինգտոնում կայացել է Հայաստանի ու Ադրբեջանի արտգործնախարարների հանդիպումն ԱՄՆ պետքարտուղար Մայք Պոմպեոյի հետ։