գլխավոր Քաղաքականություն Ով էլ գա նույնը, գուցե և ավելի վատ փաստաթուղթ է ստորագրելու․ Լևոն...

Ով էլ գա նույնը, գուցե և ավելի վատ փաստաթուղթ է ստորագրելու․ Լևոն Տեր–Պետրոսյան. տեսանյութ

Հանրային հեռուսատընկերությունը հրապարակել է ՀՀ առաջին նախագահ Լևոն Տեր–Պետրոսյանի հետ Պետրոս Ղազարյանի հարցազրույցի անոնսը, որտեղ Հանրապետության առաջին նախագահը խոսել է Արցախի ու Հայաստանի նախկին նախագահների հետ հանդիպման մասին։

Դիտարկմանը, թե եղել է հրապարակում, որ այդ հանդիպմանը, նախագահներից մեկը առաջարկել է «ստորագրել կապիտուլյացիայի թուղթը և նա այն մարդն է եղել, ով ժամանակին հանձնում էր Արցախը», առաջին նախագահն ասել է, որ շնորհավորում է գրողին, բայց չի մեկնաբանում․«Ով էլ գա նույնը, գուցե և ավելի վատ փաստաթուղթ է ստորագրելու»։

Հարցին, թե ընդդիմադիր կողմի թեզն այն է, որ՝ նա չի կարող, թող գնա, մենք կգանք և կփոխենք վիճակը։ Լևոն Տեր–Պետրոսյանն ասել է․«Ես ասում եմ՝ չեք կարող, որովհետև դուք չգիտեք,  ինֆորմացիային չեք տիրապետում, թե այսօր ինչ է պահանջվում Հայաստանից։  Ես տեսնում եմ խնդիր, բոլոր այդ վատ լուծումներից ընտրել ամենաքիչ ցավալին, ինչ փաստաթուղթ էլ ստորագրի պիտի ասեն՝ դավաճան, թուրք, չգիտեմ ինչ»։