գլխավոր Իրադարձային Բաղրամյան պողոտան փակ է. Փաշինյանի հայտարարությունից հետո քաղաքացիները ԱԺ-ի մոտ են

Բաղրամյան պողոտան փակ է. Փաշինյանի հայտարարությունից հետո քաղաքացիները ԱԺ-ի մոտ են

ՀՀ վարչապետ Նիկոլ Փաշինյանի հայտարարությունից հետո քաղաքացիները Ազգային ժողովի մոտ բողոքի ակցիա են անում։

Նշենք, որ խորհրդարանում Փաշինյանն այսօր հայտարարեց, որ հայկական կողմն ուզում է ստորագրել մի թուղթ, որի արդյունքում շատերն իրենց դավաճան կանվանեն, ժողովուրդը գուցե որոշի հեռացնել նրանց իշխանությունից, սակայն իրենք գոհ ու շնորհակալ կլինեն, որ Հայաստանը 29 800 քկմ տարածքով տևական խաղաղություն ստանա։

«Բնականաբար չեն հրապարակվում այն կետերը, որոնք բերելու են չակերտավոր խաղաղության։ Ժողովուրդը պարտավոր է պահանջել, որպեսզի դրանք հանրայնացվեն, ու մենք արտահայտենք մեր անհամաձայնությունը տվյալ պայմանագրին»,– նշել է ակցիայի մասնակիցներից մեկը։

Ակցիայի ընթացքում քաղաքացիները փակել են Բաղրամյան պողոտան, երթևեկությունը կանգնել է, ոստիկաններն էլ հորդորում են բացել ճանապարհը։

Հավաքվածները հորդորում են քաղաքացիներին դուրս գալ ու պայքարել, որպեսզի հայը կարողանա ապրել Հայաստանում։Ներկա պահին քաղաքացիների մեկ այլ խումբ էլ հավաքվում է ՀՀ կառավարության շենքի մոտ` կրկին նույն պահանջով ու բողոքով։