գլխավոր Գլխավոր Նորօրյա հերոսներ․ ՊԲ-ն պարգևատրել է մի խումբ զինծառայողների

Նորօրյա հերոսներ․ ՊԲ-ն պարգևատրել է մի խումբ զինծառայողների

Պաշտպանության Բանակը ֆեյսբուքյան էջում գրառում է կատարել․

«Նորօրյա հերոսներ

Փոխգնդապետ Արայիկ Արտյուշայի Ավագիմյանը <<Մարտական խաչ>> 2-րդ աստիճանի շքանշանի ներկայացված խիզախ հայորդիներից է: Պետական բարձր պարգևը կստանա յուրային հրետանու հմուտ և կազմակերպված գործողությունների, ճշգրիտ հաշվարկների համար, որոնց արդյունքում թշնամական ուժերին պատճառվել են զգալի կորուստներ, կասեցվել են վերջինիս առաջխաղացման փորձերը:

Նույն կարգի պետական պարգևներով կխրախուսվեն սերժանտ Գարիկ Կարենի Համամյանը՝ թշնամական 2 տանկ խոցելու, սերժանտ Հայկ Արկադիի Ամիրջանյանը, շարքային Էդուարդ Արմենի Սարգսյանը, լեյտենանտ Տիգրան Հարությունի Կարապետյանը, սերժանտ Արմեն Յուրիի Ավետիսյանը՝ թշնամական երկուական տանկ խոցելու, և ավագ լեյտենանտ Լևոն Ռոբերտի Ալթունյանը՝ հակառակորդի 3 տանկ ոչնչացնելու համար:

Փառք մեր քաջարի զինվորականներին»,- ասված է ՊԲ հայտարարության մեջ։