գլխավոր Աշխարհ Բայդենը դեմ է արտահայտվել Ռուսաստանն ահաաբեկչության հովանավոր երկիր հռչակելուն

Բայդենը դեմ է արտահայտվել Ռուսաստանն ահաաբեկչության հովանավոր երկիր հռչակելուն

ԱՄՆ նախագահ Ջո Բայդենը դեմ է արտահայտվել Ռուսաստանին՝ ահաաբեկչության հովանավոր երկրների ցանկում ներառելուն։ Ինչպես գրում է ՌԻԱ Նովոստին, ԱՄՆ առաջնորդը լրագրողների հետ կարճատև հանդիպում է ունեցել Վաշինգտոն վերադառնալուց հետո։

«Ոչ»,- ասել է Բայդենը՝ պատասխանելով լրագրողների համապատասխան հարցին, ինչից հետո ժպտացել է և այլևս չի պատասխանել որևէ այլ հարցի։ 

Ավելի վաղ, ԱՄՆ Պետդեպի ներկայացուցիչ Ջիմ Օ’ Բրայենը հայտարարել է, որ ՌԴ-ին նման կարգավիճակ տալը կարող է բացասաբար անդրադառնալ հացահատիկի շուրջ համաձայնության վրա։

Հիշեցնենք, որ հուլիսի 28-ին, ԱՄՆ Սենատը բանաձև էր ընդունել, որով Պետդեպարտամենտին կոչ էր անում ճանաչել Ռուսաստանը որպես «ահաբեկչության հովանավոր երկիր»։ Որպես համապատասխան նախաձեռնության ընդունման գործոն նշվում են Վրաստանում, Սիրիայում, Ուկրաինայի շուրջ տեղի ունեցող իրադարձությունները։

Օգոստոսի 11-ին Լատվիայի Սեյմը Ռուսաստանը պաշտոնապես հռչակել է «ահաբեկչության պետական հովանավոր»։ Երկրի խորհրդարանը կարծում է, որ Մոսկվան երկար տարիներ ուղղակի և անուղղակիորեն աջակցում և ֆինանսավորում է ահաբեկչական ռեժիմներին։ Օրինակները ներառում են համագործակցությունը Սիրիայի նախագահ Բաշար ալ Ասադի հետ, Սկրիպալների թունավորումը և Boeing MH-17-ի կործանումը: