գլխավոր Իրադարձային Հայկո, չերևակայե՛ս, թե 2021-ին դու ես դուրս եկել, քեզ դուրս են մղել...

Հայկո, չերևակայե՛ս, թե 2021-ին դու ես դուրս եկել, քեզ դուրս են մղել հետնամուտքից. Դավիթ Խաժակյանը՝ Հայկ Մարությանին

Այսօր Հայկ Մարությանը հրապարակեց իր ներկայացման անոնսը և իրեն բնորոշ կապկումով անդրադարձավ Էդմոն Մարուքյանին: Այս մասին ֆեյսբուքյան իր էջում գրել է Երևանի ավագանու «Լույս» խմբակցության անդամ Դավիթ Խաժակյանը, անդրադառնալով Հայկ Մարությանի մոնոներկայացման անոնսում հնչած հումորին։

«Հայկո՛, քո ազգանունը շփոթում են Մարուքյանի ազգանվան հետ, քանի որ դու փորձում էիր «դերասան Հայկոյից» դառնալ «քաղաքապետ Մարության»: Երբ Մարուքյանը ընդդիմադիր պատգամավոր էր, դու իշխանության հետնամուտքում փայտե «բաբչկայով» ու լայն ժպիտով սպասում էիր պաշտոն ստանալու քո մուտքին: 2012-ից Մարուքյանը քաղաքական գործիչ եղել և մնացել է, իսկ դու 2018-ից փոխեցիր աշխատավայրդ, բայց ոչ կարգավիճակդ:

Երբ քեզ նույնացրել էիր իշխանության հետ և վայելում էիր հեղափոխական վարկանիշը, մենք բաց տեքստով ասում էինք, թե քանի կոպեկի արժեք ունես որպես քաղաքապետ: Երբ դու պատերազմի պարտության բերումով սեփական թիմիցդ ու քո կարծիքով խորտակվող նավից դուրս էիր սողոսկում, մենք կրկին նույն բանն էինք ասում:

Այնպես որ մեր դիրքորոշումն ու կարծիքը քո մասին չի՛ փոխվել: Դու պատեհապաշտորեն հետամուտ եղար 2018-ին, բայց չերևակայե՛ս, թե 2021-ին դու ես դուրս եկել: Քեզ ուշացած, բայց դուրս են մղել հետնամուտքից»,- գրել է Խաժակյանը:

Հիշեցնենք, որ Երևանի նախկին քաղաքապետ Հայկ Մարությանը հայտարարել է «Քաղաքապետը»մոնոներկայացմամբ ներկայանալու մասին, որի անոնսում հետևյալն է․ իրեն Մարուքյան դիմող լրագրողին ասում է, որ ինքը Մարուքյանը չէ․«Եթե հարցն ուղղված է պարոն Մարուքյանին, իրեն տվեք, կարծում եմ հետևի մուտքի մոտ է»։