գլխավոր Գլխավոր ՊԲ ստորաբաժանումների կողմից շարունակվում է դիվերսիոն խմբերի հայտնաբերման և ոչնչացման գործողությունը․ Պաշտպանության...

ՊԲ ստորաբաժանումների կողմից շարունակվում է դիվերսիոն խմբերի հայտնաբերման և ոչնչացման գործողությունը․ Պաշտպանության Բանակ

Գիշերվա ընթացքում արցախա-ադրբեջանական հակամարտության գոտում հարաբերական կայուն-լարված իրադրությունը փոփոխության չի ենթարկվել, հայտնում է Պաշտպանության Բանակը․

«Գիշերվա ընթացքում արցախա-ադրբեջանական հակամարտության գոտում հարաբերական կայուն-լարված իրադրությունը փոփոխության չի ենթարկվել: Առանձին հատվածներում շարունակվել են հրետանային մենամարտերն ու փոխհրաձգությունները:

Երեկոյան, հերթական անգամ կոպտորեն խախտելով միջազգային մարդասիրական իրավունքի նորմերը, թշնամական ուժերը հրետակոծել են Ասկերանը, իսկ կեսգիշերին՝ կրկին անգամ թիրախավորել Մարտունին:

Ներկայումս տեղային նշանակության մարտեր են ընթանում ճակատային գծի բոլոր ուղղություններում: ՊԲ ստորաբաժանումների կողմից շարունակվում է վարձկան-ահաբեկիչներից կազմված թշնամական դիվերսիոն խմբերի հայտնաբերման և ոչնչացման գործողությունը»,- ասված է ՊԲ հայտարարության մեջ։