գլխավոր Իրադարձային Ուկրաինական զորքերը, Զելենսկու անմիջական հրահանգով, 3 ուղղությամբ հարձակման փորձ են կատարել Նիկոլաևում...

Ուկրաինական զորքերը, Զելենսկու անմիջական հրահանգով, 3 ուղղությամբ հարձակման փորձ են կատարել Նիկոլաևում և Խերսոնում. հակառակորդն ունի 560 զոհ. ՌԴ ՊՆ

Ուկրաինական զորքերը հարձակման փորձ են ձեռնարկել Նիկոլաևի և Խերսոնի մարզերում, ՌԴ ԶՈւ ակտիվ պաշտպանության արդյունքում Ուկրաինայի ԶՈւ ստորաբաժանումները մեծ կորուստներ են կրել։ Այս մասին երկուշաբթի լրագրողներին հայտնել են ՌԴ պաշտպանության նախարարությունում։

«Այսօր՝ օրվա ընթացքում, (Ուկրաինայի նախագահ Վլադիմիր) Զելենսկու անմիջական հրահանգով ուկրաինական զորքերը երեք ուղղությամբ հարձակման փորձ են կատարել Նիկոլաևի և Խերսոնի մարզերում։ Ռուսական զորքերի խմբավորման ակտիվ պաշտպանության արդյունքում Ուկրաինայի զինված ուժերի ստորաբաժանումները մեծ կորուստներ են կրել»,- նշել են ռազմական գերատեսչությունից։

«Հակառակորդի  կենդանի ուժի կորուստը կազմել է ավելի քան 560 զինծառայող: Հակառակորդի կողմից հարձակողական գործողությունների հերթական փորձը ձախողվել է», – հավելել են ՌԴ ՊՆ-ում: