գլխավոր Գլխավոր Ալիևը չի բացառում Փաշինյանի հետ Ռուսաստանում հանդիպելու հնարավորությունը

Ալիևը չի բացառում Փաշինյանի հետ Ռուսաստանում հանդիպելու հնարավորությունը

Ադրբեջանի նախագահ Իլհամ Ալիևը ճապոնական «Nikkei» թերթին տված հարցազրույցի ժամանակ ասել է, որ չի բացառում Հայաստանի վարչապետ Նիկոլ Փաշինյանի հետ Ռուսաստանում հանդիպելու հնարավորությունը:

Միաժամանակ նա նշել է, որ Մոսկվա այցելելու հրավեր դեռ չի ստացել ՌԴ նախագահ Վլադիմիր Պուտինից։

«Ես նախագահ Պուտինի հրավերով բազմաթիվ անգամ եմ այցելել Մոսկվա։ Նույնիսկ տարին մի քանի անգամ: Այնպես որ այդ բարձր մակարդակի շփումները սովորական երևույթ են գործընկեր երկրների և հարևանների միջև։ Նախագահ Պուտինն էլ է բազմաթիվ անգամ այցելել Ադրբեջան», – ավելացրել է Ալիևը։

Խոսելով եռակողմ հանդիպման մասին՝ նա ասել է, որ շատ բան կախված է օրակարգից։ Ալիևը կրկին կրկնել է իր թեզը՝ Թուրքիան պետք է ներգրավվի ղարաբաղյան կարգավորման մեջ։

Նիկոլ Փաշինյանն ու Իլհամ Ալիևը. արխիվային լուսանկար