գլխավոր Միջազգային ՀՀ-ի հետ հարաբերությունների կարգավորման գործընթացը շարունակվում է Ադրբեջանի հետ համակարգված. Չավուշօղլուն Հայաստանին...

ՀՀ-ի հետ հարաբերությունների կարգավորման գործընթացը շարունակվում է Ադրբեջանի հետ համակարգված. Չավուշօղլուն Հայաստանին հորդորել է «լինել անկեղծ»

Հայաստանի հետ հարաբերությունների կարգավորման գործընթացը շարունակվում է, որոշ քայլեր արվել են: Այս մասին հայտարարել է Թուրքիայի արտաքին գործերի նախարար Մևլութ Չավուշօղլուն:

«Այդ գործընթացը շարունակվում է Ադրբեջանի հետ համակարգված։ Հայաստանում սա որոշակի մտահոգություն է առաջացնում, բայց մենք ժողովրդավարական երկիր ենք։ Ինչքան էլ երկկողմանի լինի կարգավորման գործընթացը, մենք բոլորս պետք է քայլեր ձեռնարկենք ողջ Հարավային Կովկասում կայունության համար»,- ասել է նա։

Չավուշօղլուն Հայաստանին հորդորել է չշեղվել, լինել անկեղծ այս հարցում. «Մենք անկեղծ ենք, տեսնում ենք, որ Ադրբեջանը ևս անկեղծ է»։