գլխավոր Իրադարձային Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ

Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ

Թուրքիան Լեռնային Ղարաբաղ զորք կուղարկի այն դեպքում, եթե Ադրբեջանը ցանկանա։ Այս մասին հայտարարել է Թուրքիայի փոխնախագահ Ֆուաթ Օքթայը, փոխանցում է ՌԻԱ Նովոստին` հղում անելով CNN Turk հեռուստաալիքին։

«Պատերազմի առաջին օրվանից մեր նախագահը ներկայացրել է իր դիրքորոշումը։ Թուրքիան չի երկմտի (զորք ուղարկելու հարցում – խմբ.), մեր նախագահը` առավել ևս», – հայտարարել է Օքթայը։

Ավելի վաղ հայտնի էր դարձել, որ Թուրքիան Սիրիայի հյուսիսից Ադրբեջան վարձկաններ է տեղափոխել` նպատակ ունենալով նրանց օգտագործել Արցախի և Հայաստանի դեմ։ Տեղեկության համաձայն` նրանց 1500-2000 դոլար են վճարել ռազմական գործողություններին մասնակցելու համար։ Այս տվյալները հաստատել են ոչ միայն Հայաստանի և Արցախի ղեկավարները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչները։

Ֆրանսիան և Ռուսաստանն ամենաբարձր մակարդակով մտահոգություն են հայտնել Ղարաբաղյան հակամարտության գոտում ընթացող մարտական գործողություններում սիրիացի վարձկանների ներգրավվածության վերաբերյալ։

Բացի այդ, Թուրքիայի ղեկավարությունը բազմիցս և բացահայտ հանդես է եկել Ղարաբաղյան հակամարտության գոտում Ադրբեջանի աջակցմամբ։