գլխավոր Քաղաքականություն Կոչ ենք անում լարվածությունը նվազեցնելու անհապաղ քայլեր ձեռնարկել. ԵԱՀԿ-ում ԱՄՆ դեսպանը՝ ԼՂ-ի...

Կոչ ենք անում լարվածությունը նվազեցնելու անհապաղ քայլեր ձեռնարկել. ԵԱՀԿ-ում ԱՄՆ դեսպանը՝ ԼՂ-ի զարգացումների մասին

ԵԱՀԿ-ում Միացյալ Նահանգների դեսպան Մայքլ Քարփենթերն իր անհանգստությունն է հայտնել ԼՂ-ում իրավիճակի սրման առնչությամբ, կոչ է արել կողմերին քայլեր ձեռնարկել՝ հետագա էսկալացիայից խուսափելու համար:  «Արմենպրես»-ի փոխանցմամբ՝ դեսպանն այս մասին գրառում է կատարել «Թվիթեր»-ի իր միկրոբլոգում:

Նա մասնավորապես նշել է՝ խորապես անհանգստացած է Լեռնային Ղարաբաղում և շրջակայքում ապրողների անվտանգության համար՝ այդ տարածքում վերսկսված մարտերի մասին լուրերով պայմանավորված:

«Մենք չենք ցանկանում վերադառնալ լայնածավալ ռազմական գործողությունների, ինչը տեսանք 2020 թվականին: Եվ կոչ ենք անում անհապաղ քայլեր ձեռնարկել՝ լարվածությունը նվազեցնելու և հետագա էսկալացիայից խուսափելու համար»,-ընդգծել է դեսպանը: