գլխավոր Իրադարձային Զոհվել է Մնջախաղի պետական թատրոնի դերասան Հովհաննես Հաջինյանը

Զոհվել է Մնջախաղի պետական թատրոնի դերասան Հովհաննես Հաջինյանը

Արցախի հանդեպ սանձազերծված ադրբեջանական ագրեսիան հետ մղելու ընթացքում  զոհվել է Երևանի Մնջախաղի պետական թատրոնի մնջախաղաց-դերասան Հովհաննես Հաջինյանը: Տեղեկությունը հաստատել է Մնջախաղի թատրոնն իր ֆեյսբուքյան էջում:

«Մեր ընկերը, գործընկերը, անզուգական մնջախաղացը անմահացավ։ Միացավ անմահ քաջերի երկնային զորքին։ Հոգիդ Լույսի մեջ՝ սիրելի եղբայր»,- ասված է հրապարակման մեջ:

Հովհաննես Հաջինյանը ծնվել է 1981թ. ապրիլի 10-ին, Երևանում: 2003թ. եղել է «Միմ Ստուդիո» թատերախմբի համահիմնադիրը, որի շրջանակներում մասնակցել է մի շարք փառատոների, մրցույթների և արժանացել մրցանակների: 2013թ.-ից աշխատում էր Երևանի Մնջախաղի պետական թատրոնում` որպես մնջախաղաց-դերասան: