գլխավոր Հասարակություն ԵԽ-ի հույն պատգամավորը կոչ է արել սահմանափակումներ մտցնել ադրբեջանցիների համար, իսկ հայերին...

ԵԽ-ի հույն պատգամավորը կոչ է արել սահմանափակումներ մտցնել ադրբեջանցիների համար, իսկ հայերին արտոնություններ տալ

Եվրախորհրդարանի հույն պատգամավոր Եվա Կաիլին դիվանագիտական անձնագիր ունեցող ադրբեջանցիների շենգենյան այցագրերն անվավեր ճանաչելու և Ադրբեջանի քաղաքացիների համար այցագրային հատուկ ռեժիմ սահմանելու վերաբերյալ հարցում է ուղարկել Եվրամիություն, գրում է greekcitytimes.com կայքը։

Կաիլին նշել է, որ այս քայլը պետք է դիտարկվի որպես Իլհամ Ալիևի բռնապետական ռեժիմիկողմից Լեռնային Ղարաբաղում հայերի իրավունքների բացահայտ ոտնահարման հետևանք։

Միևնույն ժամանակ Կաիլին կոչ է արել գնահատել ԵՄ անվտանգությունը՝ հաշվի առնելով Ադրբեջանի կողմից Արցախ ներխուժելու փորձը և հակամարտության գոտուց դեպի ԵՄ անօրինական միգրացիոն հոսքերի ընդլայնման այժմ տեսանելի հնարավորությունը:

Նա Հանձնաժողովից պահանջել է այս առնչությամբ ամբողջական զեկույց ներկայացնել Եվրախորհրդարանին, ինչպես նաև կոչ է արել աջակցել Հայաստանին՝ երկխոսություն սկսելով հայերի համար այցագրային ռեժիմը չեղարկելու ուղղությամբ։

«Պարոն Ալիևը Լեռնային Ղարաբաղում պիղծ պատերազմ է մղում հայերի դեմ՝ խախտելով 1994 թվականի զինադադարը և արհամարհելով միջազգային հանրության՝ երկխոսության գնալու կոչերը: ԵՄ-ն պետք է վճռականորեն ցույց տա, որ մեր հարևանությամբ նման բացահայտ պատերազմական հարձակումները չեն կարող առանց գործնական հետևանքների մնալ»,- նշել է Կաիլին։