գլխավոր Աշխարհ ՆԱՏՕ-ն աշխատում է Թուրքիայի մտահոգությունները լուծելու ուղղությամբ. Ստոլտենբերգ

ՆԱՏՕ-ն աշխատում է Թուրքիայի մտահոգությունները լուծելու ուղղությամբ. Ստոլտենբերգ

NATO's Secretary General Jen Stoltenberg gestures while speaking during a news conference at the US State Department in Washington, Thursday, April 4, 2019. (AP Photo/Pablo Martinez Monsivais)

ՆԱՏՕ-ն աշխատում է լուծել Թուրքիայի օրինական մտահոգությունները՝ կապված Ֆինլանդիայի և Շվեդիայի ՆԱՏՕ-ին անդամակցելու հայտերի հետ, հայտարարել է ՆԱՏՕ-ի գլխավոր քարտուղար Յենս Ստոլտենբերգը Բրյուսելում դաշինքի կենտրոնակայանում Չեխիայի վարչապետ Պետր Ֆիալայի հետ հանդիպումից հետո:

Նա հիշեցրել է, որ հունիսի 28-30-ին Մադրիդում կայանալիք գագաթնաժողովում քննարկվելիք հարցերից են լինելու ՆԱՏՕ-ին անդամակցելու Ֆինլանդիայի և Շվեդիայի դիմումները։ Ստոլտենբերգը երկու եվրոպական երկրների նախաձեռնությունն անվանել է «պատմական քայլ»։

Միաժամանակ նա նշել է ՆԱՏՕ-ի դաշնակից բոլոր երկրների անվտանգության խնդիրների լուծման անհրաժեշտությունը։

«Թուրքիան օրինական մտահոգություններ ունի իր անվտանգության հետ կապված։ Մենք աշխատում ենք Ֆինլանդիայի և Շվեդիայի հետ այս իրավիճակը կարգավորելու համար»,- հաղորդել է  Anadolu գործակալությունը։