գլխավոր Քաղաքականություն Հայ երիտասարդությունը պատրաստ է ամեն կերպ աջակցել իր երկրին․ English.alarabiya.net կայքի նոր...

Հայ երիտասարդությունը պատրաստ է ամեն կերպ աջակցել իր երկրին․ English.alarabiya.net կայքի նոր անդրադարձը՝ ԼՂ հակամարտությանը

Արաբական անգլալեզու english.alarabiya.net կայքը մի նոր անդրադարձ է կատարել ԼՂ հակամարտությանը՝ այս անգամ շեշտը դնելով մասնակից զինվորների ու կամավոր ռազմաճակատ մեկնածների ընտանիքների հուզական վիճակի վրա։

Աղբյուրը նշում է, որ սեպտեմբերի 27-ին ռազմական դրության հաստատումից հետո ռազմաճակատ են մեկնել ոչ միայն Հայաստանից, այլևս սփյուռիքց էթնիկ հայեր։ Երևանում հարցվածների մեծ մասը պատերազմական վիճակի մասին իրենց անհանգստությունն են հայտնել լրատվականին՝ նշելով, սակայն, որ փորձում են ուժեղ մնալ և հավատալ մոտալուտ հաղթանակին։ 

Լրատվականը նշել է նաև, որ չնայած հոկտեմբերի 10-ին Մոսկվայի միջնորդությամբ կնքված մարդասիրական համաձայնագրին՝ հակամարտության գոտում ռազմական գործողությունները շարունակվում են։ 

Խոսվում է նաև պատերազմական դրության պայմաններում կառավարության, վարչապետ Նիկոլ Փաշինյանի նկատմամբ հանրային առավել ընդգծված աջակցության մասին։ Եվ վերջում ընդգծվում է, է, որ իր հայրենասիրությամբ նախորդ սերնդին չզիջող հայ երիտասարդությունը պատրաստ է ամեն կերպ աջակցել իր երկրին, իսկ զինադադարից հետո Արցախ մեկնել ու վերակառուցել այն։ 

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Հոկտեմբերի 16-ի դրությամբ Արցախի զինուժը խոցել է հակառակորդի՝ 16 ուղղաթիռ, 21 ինքնաթիռ, 181 անօդաչու թռչող սարք, 552 միավոր զրահատեխնիկա, հիմնականում տանկեր, 86 ավտոտրանսպորտ, 10 զրահափոխադրիչ, 4 «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 5839 զոհ։ Հայկական կողմից, նախնական տվյալներով, կա 633 զոհ։ Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում զոհվել է 2 քաղաքացիական անձ, Արցախում զոհվել է 33 քաղաքացիական անձ, վիրավորվել է 106 քաղաքացիական անձ, նախնական տվյալներով՝ լրջորեն վնասվել է ավելի քան 6700 մասնավոր սեփականության անշարժ գույք, ավելի քան 640 մեքենա, շուրջ 1110 ենթակառուցվածքային, հանրային և արտադրական նշանակության օբյեկտներ:

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։

Հայաստանում և Արցախում սեպտեմբերի 27-ին հայտարարվել է ռազմական դրություն։ Հոկտեմբերի 10-ի ժամը 12:00-ից ուժի մեջ է մտել հրադադարը, սակայն ադրբեջանական զինուժը հրադադարից հետո դիվերսիոն գործողություն է իրականացրել, նաև հրթիռակոծել խաղաղ բնակավայրեր Արցախ