գլխավոր Իրադարձային Չեն հայտնում, թե ում մոտ է Ալեքսան Ասատրյանը․ հրավիրում եմ ՄԻՊ ուշադրությունը․...

Չեն հայտնում, թե ում մոտ է Ալեքսան Ասատրյանը․ հրավիրում եմ ՄԻՊ ուշադրությունը․ փաստաբան

Շուրջ 45 րոպե է ինչ գտնվում եմ ՀՀ ազգային անվտանգության ծառայությունում՝ տեսակցելու և ստանձնելու այսօր մի քանի ժամ առաջ անհայտ պատճառներով այստեղ բերված ՀՅԴ անդամ Ալեքսան Ասատրյանին։ Այս մասին գրել է Ասատրյանի փաստաբան Արթուր Նահապետյանը։

«Սակայն, տևական ժամանակ է ինչ տարաբնույթ տեխնիկական և այլ անհասկանալի պատճառաբանություններով հստակ չեն հայտնում, թե կոնկրետ ում մոտ է Ալեքսան Ասատրյանը։

Իսկ հիմա էլ մատնանշում են, թե վերջինս ԱԱԾ շենքում չէ, չգիտես՝ որ քննիչի կողմից, չգիտես՝ որ ուղղությամբ, չգիտես՝ ինչ քննչական գործողություն կատարելու համար տարվել է այս շենքից դուրս։

Ինձ որևէ տվյալ հայտնել հրաժարվեցին՝ պատճառաբանելով, որ նշված քննչական գործողության ավարտից հետո համապատասխան քննիչը կկապվի ինձ հետ։

Այս պահին կատարվողը գնահատում եմ որպես Ալեքսան Ասատրյանի՝ իրավաբանական օգնություն ստանալու իրավունքի դիտավորությամբ կոպտագույն խախտում։

Հրավիրում եմ ՀՀ Մարդու իրավունքների պաշտպանի ուշադրությունն այս հարցին և սպասում անհապաղ արձագանքի»։