գլխավոր Գլխավոր Հիմա էլ թուրքական նուռը արգելեցին մտցնել Ռուսաստան

Հիմա էլ թուրքական նուռը արգելեցին մտցնել Ռուսաստան

Ռուսական Ռոսսելխոզնադզորի Հարավային միջտարածաշրջանային կառավարման կենտրոնը Տուափսեի նավահանգստից ներկրվող 21,808 տոննա թուրքական նռան մեջ հայտնաբերել է կարանտինային օբյեկտ։ Խոսքը միջերկրածովյան պտղաճանճի մասին է (Ceratitis capitata (Wied.))։ Այս մասին տեղեկանում ենք Ռոսսելխոզնադզոռի պաշտոնական կայքից։

Այդ նուռը պետք է վաճառվեր Մոսկվայի, Կրասնոդարի և Նովոռոսիյսկի խանութներում։ Սակայն բեռի մուտքը Ռուսաստանի Դաշնության տարածք արգելվեց։

Հիշեցնենք, որ դեռ հոկտեմբերի 14-ին Լավրովը հայտարարել էր, որ Թուրքիան չի հանդիսանում Ռուսաստանի ստրատեգիական դաշնակիցը։ Դրանից մեկ օր անց արգելվեց թուրքական մանդարինի մուտքը Ռուսաստան, հիմա էլ՝ նուռը։