գլխավոր Քաղաքականություն Շուշիի հրթիռակոծման հետևանքով վիրավորված ռուս լրագրողներին կտեղափոխեն Մոսկվա

Շուշիի հրթիռակոծման հետևանքով վիրավորված ռուս լրագրողներին կտեղափոխեն Մոսկվա

Ադրբեջանի զինված ուժերի կողմից Շուշիի Սուրբ Ղազանչեցոց  եկեղեցու հրթիռակոծման հետևանքով վիրավորված երկու ռուս լրագրողներին Ռուսաստանի Դաշնություն կտեղափոխեն կառավարական պատվիրակության հետ: Ինչպես տեղեկացնում է «ՌԻԱ Նովոստի»-ն,  նույն ինքնաթիռով Մոսկվա են վերադառնալու նաև Ռուսաստանի վարչապետ Միխայիլ Միշուստինի աշխատանքային այցը լուսաբանած լրագրողները։ 

Հոկտեմբերի 8-ին Ադրբեջանի Զինված ուժերը երկու անգամ հրթիռակոծել են Շուշիի Սուրբ Ղազանչեցոց եկեղեցին: Եկեղեցու հրթիռակոծությունից վիրավորված երեք ռուս լրագրողներից մեկի վիճակը ծայրահեղ ծանր է: ՀՀ Արտաքին գործերի նախարարությունն հայտարարել էր, որ Ադրբեջանի Զինված ուժերի կողմից Արցախում լրագրողների թիրախավորումը միտված է Ադրբեջանի բանակի ռազմական հանցագործությունների լուսաբանմանը խոչընդոտելուն: