գլխավոր Գլխավոր «Թուրքիան տարածաշրջանում կայունությունը խաթարող երկիր է դառնում. այն ներգրավված է ԼՂ հակամարտությունում»․...

«Թուրքիան տարածաշրջանում կայունությունը խաթարող երկիր է դառնում. այն ներգրավված է ԼՂ հակամարտությունում»․ Հունաստանի ԱԳ նախարար

Հունաստանի արտգործնախարար Նիկոս Դենդիասը հայտարարել է, որ Թուրքիան ներգրավված է տարածաշրջանային ճգնաժամերի, այդ թվում՝ Լեռնային Ղարաբաղի հակամարտությունում, գրում է ՏԱՍՍ գործակալությունը։

«Թուրքիան ներխուժեց Սիրիա, Թուրքիան ներխուժեց Իրաք, Թուրքիան ջիհադիստներ ուղարկեց Լիբիա, հիմալ էլ ղարաբաղյան հակամարտության մեջ է ներգրավված: Թուրքիան տարածաշրջանում  կայունությունը խաթարող երկիր է դառնում: Իրապես հույս եմ հայտնել, որ Թուրքիան կփոխի իր քաղաքականությունը»,- նշել է Դենդիասը։

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Հոկտեմբերի 8-ի դրությամբ Արցախի զինուժը խոցել է հակառակորդի՝ 16 ուղղաթիռ, 17 ինքնաթիռ, 145 անօդաչու թռչող սարք, 496 միավոր զրահատեխնիկա, հիմնականում տանկեր, 82 ավտոտրանսպորտ, 10 զրահափոխադրիչ, 4 «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 4069 զոհ, ավելի քան 5270 վիրավոր։ Հայկական կողմից, նախնական տվյալներով, կա 361 զոհ։ Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Արցախում սպանվել է 20 քաղաքացիական անձ, վիրավորվել է 93 քաղաքացիական անձ, վնասվել՝ մոտ 5800 գույք ու ենթակառուցվածք։

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։ Հայաստանում և Արցախում սեպտեմբերի 27-ին հայտարարվել է ռազմական դրություն։