գլխավոր Իրադարձային Գեղարքունիքի մարզում Lexus-ը բախվել է երկաթյա խողովակներին. կա վիրավոր, վթարի պատճառը մեկ...

Գեղարքունիքի մարզում Lexus-ը բախվել է երկաթյա խողովակներին. կա վիրավոր, վթարի պատճառը մեկ այլ Lexus-ի կողմից վթարային իրավիճակ ստեղծելն է եղել. shamshyan.com

Երեկ՝ հունվարի 22-ին, խոշոր ավտովթար է տեղի ունեցել Գեղարքունիքի մարզում:
 
Ժամը 13:20-ի սահմաններում, Լանջաղբյուր գյուղի բնակիչ, 32-ամյա Մհեր Սեդրակյանը՝ իր վարած Lexus-350  մակնիշի ավտոմեքենայով, Սարուխան-Գանձակ ավտոճանապարհին դուրս է եկել երթևեկելի գոտուց, բախվել երկաթյա խողովակներին:
 
Ինչպես հայտնում է shamshyan.com-ը, վթարի հետևանքով ուղևոր, վարորդի համագյուղացի և հասակակից Իշխան Բոզոյանը, մարմնական վնասվածքներով տեղափոխվել է «Գավառ» բժշկական կենտրոն:
 
Ճանապարհային  ոստիկաններն ու ոստիկանության Գավառի բաժնի ծառայողները պարզել են, որ վթարի պատճառը եղել է Գեղարքունիքի մարզի բնակիչ, 39-ամյա Նարեկ Մովսեսյանի կողմից վարած Lexus GX-470 մակնիշի ավտոմեքենայով անզգուշաբար Մ. Սեդրակյանի համար վթարային իրավիճակ ստեղծելը:

Մանրամասները՝ սկզբնաղբյուրում։