գլխավոր Իրադարձային Հազարավոր կատաղած վայրի կապիկներ ահաբեկում են թաիլանդական քաղաքը՝ ցատկելով մեքենաների վրա, գողանալով...

Հազարավոր կատաղած վայրի կապիկներ ահաբեկում են թաիլանդական քաղաքը՝ ցատկելով մեքենաների վրա, գողանալով մարդկանց ուտելիքն ու իրերը (լուսանկարներ, տեսանյութ)

Կատաղած վայրի կապիկների խմբերն ահաբեկում են թաիլանդական Լոպբուրի քաղաքը, որը մայրաքաղաքից մոտ 120 կմ դեպի հյուսիս է ընկած:

Ինչպես գրում է Daily Mail-ը, այն բանից հետո, երբ համավարակային սահմանափակումների զգալի մեղացումից հետո զբոսաշրջիկները սկսել են կրկին այս քաղաք այցելել, պարզվել է, որ Լոպբուրիի կապիկների թիվը համավարակի ընթացքում մի քանի անգամ կրկնապատկվել է: Բացի այդ, նրանք կախվածություն են ձեռք բերել շաքարով հարուստ սննդից և ըմպելիքներից ու անընդհատ գտնվում են դրանց փնտրտուքում:

Այժմ քաղաքի փողոցները լեփ-լեցուն են հազարավոր կապիկներով, որոնք դաժան մրցակության մեջ են սննդի և տարածքի համար:

Երեքշաբթի արված տեսանյութում երևում է, որ տասնյակ կենդանիներ թափառում են փողոցներով՝ ցատկելով մեքենաների վրա, մագլցելով մարդկանց վրա և գողանալով նրանց ուտելիքն ու իրերը: Հատակապես անհանգստացնող է, որ կապիկները չեն վախենում մարդկանցից:

Տեղաբնակները պատմում են, որ կապիկները նույնիսկ հակառակորդ խմբեր են կազմել՝ իրենց տարածքը պահելու համար, և երբ դրանք հանդիպում են, բախումներ են լինում: