գլխավոր Միջազգային Ռուսաստանը պատրաստվում է գործողության՝ արդարացնելու Ուկրաինա ներխուժումը. ԱՄՆ հետախուզություն

Ռուսաստանը պատրաստվում է գործողության՝ արդարացնելու Ուկրաինա ներխուժումը. ԱՄՆ հետախուզություն

ԱՄՆ-ն տեղեկություններ ունի, որ Ռուսաստանը, փորձելով ներխուժման պատրվակ ստեղծել, օպերատիվ խմբավորումներին նախադրել է՝ Արևելյան Ուկրաինայում կեղծ դրոշի ներքո գործողություն իրականացնելու համար, ուրբաթ CNN-ին ասել է ամերիկացի պաշտոնյան: 

Նա նշել է, որ ԱՄՆ-ը հետախուզությունն ապացույցներ ունի այն մասին, որ օպերատիվները պատրաստված են քաղաքային պայմաններում պատերազմ վարելուն և պայթուցիկներ օգտագործելու համար՝ դիվերսիոն գործողություններ իրականացնելու Ռուսաստանի իսկ պրոքսի ուժերի դեմ: 

Այս տեղեկությունը համընկնում է ուրբաթ Ուկրաինայի պաշտպանության նախարարության տարածած հայտարարության հետ, որում ասվում է, որ ռուսական հատուկ ծառայությունները սադրանքներ են նախապատրաստում ռուսական ուժերի դեմ՝ փորձելով շրջափակել Ուկրաինային:

«Մեր հետախուզությունը տեղեկություն է ստացել, որ Ռուսաստանը հիմք է ստեղծում ներխուժման համար պատրվակ ստեղծելու համար: Մենք տեսել ենք այս սցենարը 2014 թվականին: Նրանք նորից պատրաստում են այս սցենարը», – ասել է ԱՄՆ նախագահի՝ Ազգային անվտանգության հարցերով խորհրդական Ջեյք Սալիվանը: