գլխավոր Քաղաքականություն Կոչ եմ անում Թրամփի վարչակազմին դիվանագիտական միջոցներ ձեռնարկել՝ տարածաշրջանում խաղաղություն հաստատելու համար....

Կոչ եմ անում Թրամփի վարչակազմին դիվանագիտական միջոցներ ձեռնարկել՝ տարածաշրջանում խաղաղություն հաստատելու համար. Լոս Անջելեսի քաղաքապետը՝ հաջակցության Հայաստանի ասուլիսին (տեսանյութ)

Լոս Անջելեսի քաղաքապետարանում մամլո ասուլիս է կայացել՝ հաջակցություն Հայաստանի: Ասուլիսի մասնակից կոնգրեսականներն ու ամերիկացի այլ գործիչներ կոչ են արել ԱՄՆ ղեկավարությանը անհապաղ քայլեր ձեռնարկել՝ կանգնեցնելու Ադրբեջանի կատաղի ներխուժումն Արցախի Հանրապետություն:

Գործիչները դատապարտել են Թուրքիայի ցուցաբերած աջակցությունն ադրբեջանական ուժերին, հատկապես թուրք նախագահ Ռեջեփ Թայիփ Էրդողանի կողմից սիրիացի և լիբիացի ջիհադականներին հակամարտության գոտի ուղարկելը:

«Ամերիկացիները չպետք է երբեք հանդուրժեն ջիհադականների ներկայությունն այս տարաշրջանում: Ամերիկացիները չպետք է հանդուրժեն ադրբեջանական բռությունն՝ ընդդեմ իրենց անկախության իրավունքը պաշտպանող ժողովրդի: Հուսով եմ, որ Վաշինգտոնը կճանաչի Արցախի ինքնիշխանություն ու անկախությունը», –  բացմանն ասել է քաղաքային խորհրդի անդամ պարոն Գրիգորյանը:

Ելույթով հանդես է եկել Լոս Անջելեսի քաղաքապետ Էրիկ Գարսետին՝ նշելով քայլեր ձեռնարկելու անհրաժեշտությունը:

«Այսօր միասնության և համերաշխության օր է, երբ պետք է կարևորվեն մեր գործողությունները: Կյանքեր են կորսվել Արցախի քաղաքներում և համայնքներում տեղի ունեցող ներխուժումների հետևանքով: Խաղաղության կոչերը չեն կարող ոչինչ փոխել, միայն գործողությունները: Այս պահին մեր առաքելությունը պետք է հստակ լինի, այն է գործնական քայլերի անցնել: Կոչ եմ անում Թրամփի վարչակազմին դիվանագիտական միջոցներ ձեռնարկել՝ տարածաշրջանում խաղաղություն հաստատելու համար: Դա պետք է սկսվի ադրբեջանական անգրեսիայի վճռական դատապարտմամբ և պահանջով, որ Թուրքիան անհապաղ դուրս գա հակամարտությունից», – շեշտել է քաղաքապետը:

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Հոկտեմբերի 4-ի դրությամբ Արցախի զինուժը խոցել է հակառակորդի՝ 14 ուղղաթիռ, 17 ինքնաթիռ, 124 անօդաչու թռչող սարք, 368 միավոր զրահատեխնիկա, հիմնականում տանկեր, 82 ավտոտրանսպորտ, 10 զրահափոխադրիչ, մեկ «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 3154 զոհ, ավելի քան 5270 վիրավոր։ Հայկական կողմից, նախնական տվյալներով, կա 230 զոհ։

Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում սպանվել է 2 քաղաքացիական անձ, Արցախում վիրավորվել է 80 քաղաքացիական անձ, զոհվել՝ 19 մարդ, վնասվել՝ մոտ 2700 գույք ու ենթակառուցվածք։

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։

Հայաստանում և Արցախում սեպտեմբերի 27-ին հայտարարվել է ռազմական դրություն։

Press Conference Showing Solidarity with Armenia

Press conference at Los Angeles City Hall calling on the U.S. to take immediate action to halt Azerbaijan’s brutal, unprovoked invasion of the Republic of Artsakh (formerly known as Nagorno-Karabagh), and condemning Turkish President Erdogan’s sending Syrian and Libyan jihadists and terrorists into the conflict.

Gepostet von Asbarez News am Montag, 5. Oktober 2020