գլխավոր Սպորտ Հայաստանը երրորդ տեղն է գրավել բռնցքամարտի ԵԱ առաջնության թիմային հաշվարկում

Հայաստանը երրորդ տեղն է գրավել բռնցքամարտի ԵԱ առաջնության թիմային հաշվարկում

Հայաստանի երիտասարդական հավաքականը երրորդ տեղն է զբաղեցրել Չեռնոգորիայում անցկացվող բռնցքամարտի Եվրոպայի երիտասարդական առաջնության թիմային հաշվարկում։ Տեղեկությունը հայտնում է Հայաստանի Բռնցքամարտի ֆեդերացիայի մամուլի ծառայությունը։

Հայկական թիմը Չեռնոգորիայի Բուդվա քաղաքում նվաճել է երկու ոսկե, երկու արծաթե և մեկ բրոնզե մեդալ:

Պատվո հարթակի բարձրագույն աստիճանին են բարձրացել 86 կգ քաշային Հենրիկ Ճղրիկյանը, որը եզրափակչում հաղթել է չեխ բռնցքամարտիկ Դավիդ Պոլակին և 51 կգ քաշային Հենրիխ Սահակյանը, որը եզրափակիչում ռուսաստանցի Ռուսլան Պիրովից ավելի ուժեղ է գտնվել։]

Էլիդա Քոչարյանը (60 կգ) և Մանվել Պետրոսյանը (57 կգ) առաջնության արծաթե մեդալակիրներ են դարձել։ Էրիկ Իսրաելյանը (60 կգ) բրոնզ է վաստակել։